Skip to main content
x

‹‹ዴሞክራሲያዊ ማዕከላዊነትን የመጠበቅ ጉዳይ የማይገረሰስ የኢሕአዴግ መርህ ነው›› ጠቅላይ ሚኒስትር ኃይለ ማርያም ደሳለኝ

አፈ ጉባዔ አባዱላ የድርጅቱን ውሳኔ የመቀበል ግዴታ አለባቸው ብለዋል በአገሪቱ ከሚታዩ የፖለቲካ ክስተቶች በተቃራኒ ገዥው ፓርቲ ኢሕአዴግ አሁንም ጥብቅ የሆነውን ዴሞክራሲያዊነቱን ጠብቆ እንደሚገኝ፣ ይህንንም ማዕከላዊነት ጠብቆ የማቆየት ጉዳይ የማይገረሰስ የገዥው ፓርቲ ምሰሶ እንደሆነ የፓርቲው ሊቀመንበርና የአገሪቱ ጠቅላይ ሚኒስትር ኃይለ ማርያም ደሳለኝ አስታወቁ፡፡

ሰብዓዊ መብት ኮሚሽን ከቂሊንጦ ቃጠሎ ጋር በተገናኘ የመብት ጥሰት መፈጸሙን አረጋገጠ

ነሐሴ 28 ቀን 2008 ዓ.ም. በፌዴራል ማረሚያ ቤቶች በቂሊንጦ ማረፊያ ቤት ላይ ከደረሰ የእሳት ቃጠሎ ጋር በተገናኘ፣ 16 እስረኞች አካላዊ ጉዳት የደረሰባቸው መሆኑንና የሰብዓዊ መብት ጥሰት መፈጸሙን የኢትዮጵያ ሰብዓዊ መብት ኮሚሽን አረጋገጠ፡፡

ከአይኤስ የሽብር ቡድን ጋር ግንኙነት አላቸው በተባሉ 26 ተጠርጣሪዎች ላይ ክስ ተመሠረተ

በኢትዮጵያ የጅሐድ ጦርነት ለማወጅ ዝግጅት እያደረጉ ነበር ተብሏል አይኤስ ከሚባለው የሽብር ቡድን ጋር ግንኙነት አላቸው የተባሉና በአዲስ አበባ፣ በሐረርና በአላባ ከተሞች ውስጥ ቡድን በማደራጀትና በማስተባበር ላይ እያሉ በቁጥጥር ሥር መዋላቸው የተገለጸ 26 ተጠርጣሪዎች ክስ ተመሠረተባቸው፡፡

የባህር ትራንስፖርትና ሎጂስቲክስ አገልግሎት ድርጅት ኃላፊዎች በ81.2 ሚሊዮን ብር የሙስና ወንጀል ተከሰሱ

የኢትዮጵያ ባህር ትራንስፖርትና ሎጂስቲክስ አገልግሎት ድርጅት ከፍተኛ ኃላፊነት የነበራቸው ሰባት ሠራተኞችና ሁለት አማካሪዎች (በሌሉበት)፣ በሕዝብና መንግሥት ላይ በድምሩ ከ81.2 ሚሊዮን ብር በላይ ጉዳት አድርሰዋል ተብለው፣ ሐሙስ ጥቅምት 30 ቀን 2010 ዓ.ም. በፌዴራል ከፍተኛ ፍርድ ቤት ልደታ ምድብ 15ኛ ወንጀል ችሎት የሙስና ወንጀል ክስ ተመሠረተባቸው፡፡

በሙስና ወንጀል ተጠርጥረው የታሰሩት የማዕድን ሚኒስቴር አምስት ሠራተኞች ዋስትና ተፈቀደላቸው

ለአፋር ክልል ከተገዛ የሮለር ፕላስቲክ ፖሊሺት ግዥ ጨረታ ጋር በተገናኘ፣ ከ2.2 ሚሊዮን ብር በላይ ጉዳት በማድረስ ተጠርጥረው በእስር ላይ የነበሩት የማዕድን፣ ነዳጅና የተፈጥሮ ጋዝ ሚኒስቴር ሠራተኞች ዋስትና ተፈቀደላቸው፡፡

የሚኒስቴሩ ሠራተኞች የግዥ ኮሚቴ አባልና ጸሐፊ አቶ የሰውዘር ንጋቱ፣ አባል አቶ ፈቃዱ ራሱና አቶ ዳኛቸው ክንዴ፣ የግዥ ክፍል ባለሙያ አቶ ቴዎድሮስ እማኝና አካውንታንት አቶ ፈለቀ ገብረ ማርያም ናቸው፡፡

የብሔራዊ ደኅንነት ምክር ቤት ወቅታዊ ጉዳዮችን በሚመለከት የሚወሰዱ እርምጃዎች ላይ እየተወያየ ነው

በጠቅላይ ሚኒስትር ኃይለ ማርያም ደሳለኝ፣ በብሔራዊ ደኅንነት ምክር ቤት ጽሕፈት ቤት ኃላፊና የመከላከያ ሚኒስትሩ አቶ ሲራጅ ፈጌሳ የሚመራው የብሔራዊ ደኅንነትና የክልል ደኅንነት አባላት የሚሳተፉበት ስብሰባ በጠቅላይ ሚኒስትር ጽሕፈት ቤት እየተካሄደ ነው፡፡

በስብሰባው ላይ በወቅታዊ ሁኔታዎችና በቀጣይ መወሰድ ባለባቸው እርምጃዎች ላይ ዕቅድ ቀርቦ ውይይት እየተደረገ ሲሆን፣ ዛሬ ኅዳር 1 ቀን 2010 ዓ.ም. ከቀትር በኋላ ውሳኔዎቹ ይታወቃሉ ተብሎ ይጠበቃል፡፡

በውይይቱ ላይ የክልል ርዕሳነ መስተዳድርና የደኅንነት ኃላፊዎች እየተሳተፉ እንዳሉ ለማወቅ ተችሏል፡፡

የባህር ትራንስፖርትና ሎጂስቲክስ ድርጅት ኃላፊዎች ከ80 ሚሊዮን ብር በላይ ጉዳት ማድረስ ክስ ቀረበባቸው፡፡

ከባህር ትራንስፖርትና ሎጂስቲክስ ድርጅት በሙስና ወንጀል ተጠርጥረው የታሰሩ ግለኃላፊዎች ሰቦች ከ80 ሚሊዮን ብር በላይ ጉዳት ማድረስ ክስ ቀረበባቸው፡፡ ክሱ የቀረባባቸው ከመርከብ፣ የጭነት መኪናዎችና ከኮንቴይነሮች ግዥዎች ጋር በተያያዘ ነው፡፡

የኦሮሞና የአማራ ሕዝቦችን ያገናኘው መድረክ ለምን አስፈለገ?

ለአምስት ቀናት የተካሄደው የኦሕዴድ ድርጅታዊ ኮንፈረንስ በተጠናቀቀ ማግሥት በክልሉ ርዕሰ መስተዳደር አቶ ለማ መገርሳ የሚመራ የልዑካን ቡድን ወደ ባህር ዳር አቅንቶ ነበር፡፡ በዚህ የልዑካን ቡድን አቶ ለማ መገርሳን ጨምሮ፣ የኦሕዴድ ጽሕፈት ቤት ኃላፊና የክልሉ ምክትል ርዕሰ መስተዳድር ዓብይ አህመድ (ዶ/ር)፣ የክልሉ ኮሙዩኒኬሽን ቢሮ ኃላፊ አቶ አዲሱ አረጋ፣ ሌሎች የቢሮ ኃላፊዎች፣ አባ ገዳዎች፣ የአገር ሽማግሌዎች፣ ታዋቂ ድምፃዊያን፣ ምሁራን፣ ደራሲያንና ሌሎች ግለሰቦች ወደ ባህር ዳር አቅንተው ነበር፡፡